Më 28 Qershor 2026, në Liqenin e Batllavës u zhvillua gara për kategorinë Persona me Aftësi të Veçanta, duke sjellë një ditë të veçantë sportive të karakterizuar nga përfshirja, motivimi dhe dashuria për sportin e peshkimit.
Në një ambient të qetë dhe natyror, pjesëmarrësit treguan përkushtim dhe vullnet të jashtëzakonshëm, duke e kthyer këtë aktivitet në një përvojë të bukur dhe frymëzuese për të gjithë të pranishmit. Gara u zhvillua në një atmosferë pozitive, ku rëndësi kryesore kishte pjesëmarrja, bashkëpunimi dhe promovimi i vlerave sportive.
Ky aktivitet dëshmoi se sporti është për të gjithë dhe se peshkimi sportiv është një platformë që bashkon, pa dallime, duke krijuar mundësi për përfshirje dhe zhvillim për çdo kategori.

Federata e Peshkatarëve Sportiv Rekreativ të Kosovës thekson rëndësinë e organizimit të aktiviteteve gjithëpërfshirëse, duke promovuar barazi dhe mundësi të barabarta për të gjithë pjesëmarrësit. Përmes iniciativave të tilla, federata synon të fuqizojë rolin e sportit si një mjet për integrim dhe zhvillim social.

FPSRK

Sporti bashkon të gjithë, dhe Batllava e dëshmoi këtë edhe një herë. 🎣